YouTube Smart TVs 90s unskippable ads Smart TVs లో 90 సెకన్ల స్కిప్ చేయలేని Ads? కొత్త మార్పులపై చర్చ

YouTube Smart TVs 90s unskippable ads Smart TVs లో 90 సెకన్ల స్కిప్ చేయలేని Ads? కొత్త మార్పులపై చర్చ YouTube Smart TVs లో 90 సెకన్ల స్కిప్ చేయలేని Ads? Smart TV యూజర్లకు కొత్త ప్రకటనల అనుభవం రావొచ్చు

ప్రముఖ వీడియో స్ట్రీమింగ్ ప్లాట్‌ఫామ్ YouTube త్వరలో స్మార్ట్ టీవీల్లో వచ్చే ప్రకటనల వ్యవస్థలో పెద్ద మార్పులు చేయాలని భావిస్తున్నట్లు సమాచారం. ఇప్పటివరకు టీవీల్లో ఎక్కువగా 30 సెకన్ల వరకు మాత్రమే స్కిప్ చేయలేని యాడ్స్ చూపిస్తుండగా, ఇప్పుడు వాటి నిడివిని 90 సెకన్ల వరకు పెంచే ప్రయోగాలు జరుగుతున్నట్లు టెక్ వర్గాలు చెబుతున్నాయి.

20–40 నిమిషాల వీడియోలకు ఎక్కువ Ads అవకాశం

ఈ కొత్త ప్రకటనలు ముఖ్యంగా 20 నుంచి 40 నిమిషాల వరకు నిడివి ఉన్న వీడియోలకు ఎక్కువగా చూపించే అవకాశముందని తెలుస్తోంది. కొంతమంది యూజర్లు ఇప్పటికే తమ స్మార్ట్ టీవీల్లో 90 సెకన్ల వరకు స్కిప్ చేయలేని యాడ్స్ కనిపిస్తున్నాయని సోషల్ మీడియా ద్వారా స్క్రీన్‌షాట్లు షేర్ చేస్తున్నారు. దీంతో ఈ మార్పుపై చర్చ మొదలైంది.

YouTube ఆదాయం పెంచే ప్రయత్నమా?

టెక్ నిపుణుల అభిప్రాయం ప్రకారం, యూట్యూబ్ ఈ నిర్ణయం తీసుకోవడానికి ప్రధాన కారణం ప్రకటనల ద్వారా వచ్చే ఆదాయాన్ని పెంచడం కావచ్చు. అలాగే ప్రకటనలు చూడాలనుకోని యూజర్లు YouTube Premium సేవలను తీసుకునేలా ప్రోత్సహించడమూ ఒక లక్ష్యంగా ఉండవచ్చని అంచనా వేస్తున్నారు.

అధికారిక ప్రకటన ఇంకా లేదు

ఈ మార్పుల గురించి ఇప్పటివరకు యూట్యూబ్ నుంచి అధికారిక ప్రకటన రాలేదు. ప్రస్తుతం ఇది పరీక్షల దశలో ఉందా? లేక త్వరలో అధికారికంగా అమలు చేస్తారా? అన్నది ఇంకా స్పష్టత రావాల్సి ఉంది.

మొబైల్ యూజర్లకూ వస్తాయా?

ప్రస్తుతం ఈ మార్పు స్మార్ట్ టీవీలకు మాత్రమే పరిమితమా? లేదా భవిష్యత్తులో మొబైల్ మరియు ఇతర డివైసులకు కూడా విస్తరిస్తారా? అన్నది చూడాల్సి ఉంది.